Sogn og Fjordane
MOTVIND NORGE
Slik vurderar vi partia i vindkraft- natur- og energipolitikken
*Rangeringa er ikkje ei stemmeanbefaling, men ei vurdering av vindkraft, natur og energipolitikken, med justeringar for kvart valdistrikt.
Trykk på eit parti for å få opp ei detaljert nasjonal vurdering av partiet sin politikk.
Om valet i Sogn og Fjordane:
Sogn og Fjordane har tre direkte mandat, og eit utjamningsmandat.
Alle dei sittande stortingsrepresentantane tek attval:
Torbjørn Vereide (1. kandidat, Arbeidarpartiet), lova i valkampen 2021 å jobbe mot vindkraft i Sunnfjord og Ytre Sogn. Men det tok ikkje lang tid før han braut løfta og snudde, med vindkraftvenlege uttalar i pressa om Snøheia-prosjektet til Eviny/Hydro/Zephyr, og aktiv jobbing for vindkraftutbygging.
Alfred Bjørlo (1. kandidat, Venstre), lova på same vis i 2021 å jobbe mot vindkraftprosjekt. Men som rikspolitikar har han gjort seg kjend med utsegner til støtte for vindkraftbransjen - særleg har han vore ein tilhengar av Fornybardirektivet og Venstre si avgjerd om å støtte regjeringa sin kraftpolitikk i Finnmark med elektrifisering av Melkøya og massiv vindkraftutbygging.
Olve Grotle (1. kandidat, Høgre) er for vindkraftutbygging, og har nytta påverkningskrafta si til å promotere vindkraftplanane på Snøheia i Sunnfjord og Høyanger. Han har heller ikkje teke avstand frå andre vindkraftplanar i Sogn og Fjordane. Som fiskeripolitisk talsperson for Høgre så har han vore noko meir forsiktig enn den jevne Høgre-representant til å framsnakke havvindutbygging.
Erling Sande (1. kandidat, Senterpartiet) har ikkje markert seg utad som politikar i energispørsmål. Det har samanheng med at han melde seg inhabil fordi han har permisjon frå direktørjobb i kraftselskapet Sogn og Fjordane Energi som har fremja vindkraftutbygging. Sjå difor Senterpartiet sin nasjonale politikk.
Dei vert mellom anna utfordra av:
Stig Even Lillestøl (1. kandidat, Framstegspartiet) ligg ann på meiningsmålingane til å få plass på tinget. Han omtalar vindkraft som "dyrt, arealkrevjande og ustabilt", og ynskjer i staden stor satsing på kjernekraft.
Rita Tonning (1. kandidat, Raudt) representerar partiet på Stortinget som klarast tek avstand frå meir vindkraftutbygging på land og til havs.
Hege Lothe (1. kandidat, Sosialistisk Venstreparti) som konsekvent har vore mot vindkraftprosjekta i Sogn og Fjordane.
Sjå elles den nasjonale politikken til partia i detalj her.